Facebook ижтимоий тармоғи постга муносабат ва лайклар сони ҳисоблагичини яшириб қўйди. Пилот лойиҳаси Австралияда ишга туширилди, деб ёзган Meduza.
27 сентябрь, жума куни австралиялик фойдаланувчиларнинг маълум қисми бошқалар қолдирган постлардаги лайклар ва реакциялар сонини кўра олмайди. Бунда фойдаланувчилар ўз саҳифасидаги постга бошқаларнинг муносабати ва лайклар сонини кўриш имконияти сақланиб қолган.
Facebook вакилларининг фикрича, ҳисоблагичнинг яширилиши ижтимоий тармоқ фойдаланувчиларига оммавий босимни камайтиради, шу тариқа улар бошқаларда қандай реакция уйғонишини фаҳмлаб, ўз йўналишларини аниқ белгилай олади.
Аввалроқ Facebook’га қарашли Instagram тармоғида лайкларни яшириш синовдан ўтказилганди.
Августда «ВКонтакте» ижтимоий тармоғида ҳам янги ҳисоблагичсиз дизайн тест қилинган.
Изоҳ (0)