Ашхобод ҳокимияти кондиционер ўрнатишга бўлган анча қатъий талабларни янада кучайтирди. Бу ҳақда «Хроника Туркменистана» хабар берди.
Аввал ашхободликларга марказий кўчалардаги кўп қаватли уйларнинг асосий қисми томонга кондиционернинг ташқи блокини жойлаштириши тақиқланганди. Энди коммунал хизматлар ходимлари блокларни ҳовли томондаги деворларга мустаҳкамлаган фуқароларга эътироз билдирмоқда. Аҳоли вакилларига ички ҳовли томонда трубка чиқаришни тақиқлади, яъни трубка тешиги блок яқинида пармаланган бўлиши лозим. Агар трубка девордан пастга туширилса, у кесиб ташланмоқда.
Шунингдек, коммунал хизматдагилар кондиционер блокларини йўлакларга ўрнатишга ҳам қаршилик қилмоқда. Аввал барча деразалари марказий кўчага қараган хонадонлар эгалари блокларни уй йўлакларига ўрнатишга мажбур бўлганди.
Кондиционерларга қарши кураш рейдлари ҳам бошқа соҳалардаги муаммолар оқимига қўшилиб кетди. Кондиционерлар борасидаги муаммоли ҳолатлар ўтган сафар Ашхободда 2018 йил августида кузатилган. Иқлим исиши ёз ойларида 40 даражагача кўтариладиган Ашхободда яшовчи фуқаро учун кондиционер муҳим эҳтиёж ҳисобланади. Шаҳарликлар номаълум сабабларга кўра коммунал хизмат вакиллари Собиқ Иттифоқ даврида ишлаб чиқарилган БК-1500 русумли кондиционерларга гарчи улар қаттиқ шовқин чиқариб замонавий дераза ромларига тўғри келмаса ҳам эътироз билдирмаслиги хайрон қолган. Бундай кондиционер топиш фуқарони муаммолардан халос этади. Кондиционерга қурби етмаган ашхободликлар жазирама вақтида деразага хўлланган мато осиб, вентилятордан фойдаланади.
Изоҳ (0)