Солиқ қўмитаси «Шаффоф бизнес» тадбирининг дастлабки якунлари тўғрисида маълум қилди

Ўзбекистонда жорий ой бошида «Шаффоф бизнес. Хатоларни биргаликда тўғирлаймиз» тадбири бошланганди.

Давлат солиқ қўмитаси матбуот хизматига кўра, мазкур тадбир доирасида Тошкент шаҳри, Бухоро ва Фарғона водийси вилоятлари солиқ бошқармалари томонидан солиқ тўлашдан бўйин товлаш хавфи ҳудудига тушиб қолган солиқ тўловчиларни тезкор ўрганишларни ўтказди.

Ўрганишлар импорт товарлари савдоси соҳасида ҚҚС тўлови борасидаги қонун бузилишлари ҳолатларини аниқлаш имконини берди. Мақсади ҚҚС ҳисобланиши ва тўлови тўғрилигини аниқлаш бўлган ўрганишлар давомида оптималлаштиришнинг жами 99 миллиард сўмлик турли схемалари аниқланди.

Жумладан, фаолияти импорт қилинган товарлар савдоси бўлган ва асосан нақд пулда ҳисоб-китоблар амалга ошириладиган бир солиқ тўловчида тушумни қасддан пасайтириш ҳолати аниқланди. Буни шунга ўхшаш товарлар нархи солиқ тўловчи кўрсатаётган нархлардан 2 баравар кўп бўлган бозор конъюктурасини таҳлил қилиш эвазига аниқлашга муваффақ бўлинди.

Солиқ тўловчи тушумни камайтириб, омборда товарлар мавжудлиги ҳақида сохта маълумотлар тақдим этиши ҚҚС бўйича тўловлар сунъий равишда 5 миллиард сўмга кўпайишига олиб келган. Мутахассислар солиқ тўловчига солиқ ҳисобини тиклаш ва тузатилган ҳисоботни қайта топширишда ёрдам берди.

«Солиқ тўловчилар билан муносабатларнинг янги формати салбий тасаввурларнинг олдини олиш ва ўрганишлар якуни бўйича солиқ тўловчилардан хатолар ўнглангани ва келгусидаги қонун бузилишларининг олди олингани учун миннатдорликларга сабаб бўлмоқда», — дейилади матбуот хизмати хабарида.