24 сентябрь куни соат 06:30 да Қашқадарё вилояти Миришкор тумани яшовчи фуқаронинг уйида содир бўлган ёнғин оқибатида уй эгасининг рафиқаси ҳалок бўлди. Бу ҳақда Давлат ёнғин хавфсизлиги хизмати хабар берди.
Ёнғинга 2 та ёнғин ўчириш бўлинмалари жалб этилган.
Бўлинмалар чақирилган манзилга соат 06:45 да етиб бориб, соат 06:47 да ёнғин қуршаб олинган ва соат 07:18 да тўлиқ бартараф этилган.
Ёнғин оқибатида яшаш уйининг 21 квадрат метр майдонда томи, шифти ва ички жиҳозлари ёниб зарарланган. Бундан ташқари 1998 йилда туғилган уй эгаси рафиқасининг куйган ҳолдаги жасади топилган.
Ҳодиса юзасидан терговга қадар туман прокуратураси томонидан текширув ишлари олиб борилмоқда.
Ёнғин сабаби ва моддий зарар миқдори аниқланмоқда.
Изоҳ (0)