O‘zbekistonda joriy oy boshida “Shaffof biznes. Xatolarni birgalikda to‘g‘irlaymiz” tadbiri boshlangandi.
Davlat soliq qo‘mitasi matbuot xizmatiga ko‘ra, mazkur tadbir doirasida Toshkent shahri, Buxoro va Farg‘ona vodiysi viloyatlari soliq boshqarmalari tomonidan soliq to‘lashdan bo‘yin tovlash xavfi hududiga tushib qolgan soliq to‘lovchilarni tezkor o‘rganishlarni o‘tkazdi.
O‘rganishlar import tovarlari savdosi sohasida QQS to‘lovi borasidagi qonun buzilishlari holatlarini aniqlash imkonini berdi. Maqsadi QQS hisoblanishi va to‘lovi to‘g‘riligini aniqlash bo‘lgan o‘rganishlar davomida optimallashtirishning jami 99 milliard so‘mlik turli sxemalari aniqlandi.
Jumladan, faoliyati import qilingan tovarlar savdosi bo‘lgan va asosan naqd pulda hisob-kitoblar amalga oshiriladigan bir soliq to‘lovchida tushumni qasddan pasaytirish holati aniqlandi. Buni shunga o‘xshash tovarlar narxi soliq to‘lovchi ko‘rsatayotgan narxlardan 2 baravar ko‘p bo‘lgan bozor kon’yukturasini tahlil qilish evaziga aniqlashga muvaffaq bo‘lindi.
Soliq to‘lovchi tushumni kamaytirib, omborda tovarlar mavjudligi haqida soxta ma’lumotlar taqdim etishi QQS bo‘yicha to‘lovlar sun’iy ravishda 5 milliard so‘mga ko‘payishiga olib kelgan. Mutaxassislar soliq to‘lovchiga soliq hisobini tiklash va tuzatilgan hisobotni qayta topshirishda yordam berdi.
“Soliq to‘lovchilar bilan munosabatlarning yangi formati salbiy tasavvurlarning oldini olish va o‘rganishlar yakuni bo‘yicha soliq to‘lovchilardan xatolar o‘nglangani va kelgusidagi qonun buzilishlarining oldi olingani uchun minnatdorliklarga sabab bo‘lmoqda”, — deyiladi matbuot xizmati xabarida.
Izoh (0)