24-sentabr kuni soat 06:30 da Qashqadaryo viloyati Mirishkor tumani yashovchi fuqaroning uyida sodir bo‘lgan yong‘in oqibatida uy egasining rafiqasi halok bo‘ldi. Bu haqda Davlat yong‘in xavfsizligi xizmati xabar berdi.
Yong‘inga 2 ta yong‘in o‘chirish bo‘linmalari jalb etilgan.
Bo‘linmalar chaqirilgan manzilga soat 06:45 da yetib borib, soat 06:47 da yong‘in qurshab olingan va soat 07:18 da to‘liq bartaraf etilgan.
Yong‘in oqibatida yashash uyining 21 kvadrat metr maydonda tomi, shifti va ichki jihozlari yonib zararlangan. Bundan tashqari 1998-yilda tug‘ilgan uy egasi rafiqasining kuygan holdagi jasadi topilgan.
Hodisa yuzasidan tergovga qadar tuman prokuraturasi tomonidan tekshiruv ishlari olib borilmoqda.
Yong‘in sababi va moddiy zarar miqdori aniqlanmoqda.
Izoh (0)