Узоқ Шарқ округи ҳарбий суди Чита шаҳрида истиқомат қилувчи асли қирғизистонлик бўлган 56 ёшли фуқарони саккиз йилга озодликдан маҳрум этди. У террорчилик ташкилотлари фаолиятига алоқадорликда ҳамда уларга молиявий ёрдам кўрсатишда айбдор деб топилган. Бу ҳақда Россиянинг Сахалин вилояти бўйича тергов қўмитаси матбуот хизмати хабар берди.
Терговнинг аниқлашича, 2015 йилнинг декабрида судланувчи Жанубий-Сахалинскдан туриб ИШИД террорчилик ташкилотига қўшилмоқчи бўлган 21 ҳамда 27 ёшли Ўзбекистон фуқароларига 100 минг рубль берган. Ўзбекистон фуқаролари бу пуллар ёрдамида транзит мамлакатлар орқали Сурияга бориши керак бўлган.
Бундан ташқари эркак уларнинг Жанубий-Сахалинскдан Москвага, у ердан Сурияга ҳеч қандай тўсиқларсиз учишига ёрдам кўрсатган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)