Ўн минглаб индонезияликлар никоҳсиз жинсий алоқани тақиқловчи қонунга қарши митингга чиқди. Бу ҳақда TJournal хабар бермоқда.
Норозилик намойишлари мамлакатнинг қатор шаҳарларида бўлиб ўтди. Пойтахтда аҳоли полициячиларни тошбўрон қилди, улар бунга жавобан кўздан ёш оқизувчи газ ва сув пуркагичларни қўллади.
Индонезия расмийлари никоҳга қадар жинсий алоқа (бир йилгача қамоқ), никоҳга қадар бирга яшаш (6 ойлик қамоқ), абортлар (4 йилгача қамоқ) ва қатор бошқа бандлар бўйича жиноий жавобгарлик жорий этилишини таклиф қилмоқда.
Қонун лойиҳаси кўриб чиқилиши 24 сентябрга мўлжалланганди, бироқ президент Жоко Видодо буни оммавий ғалаёнлар туфайли қолдирди. Қонун кўриб чиқилиши билан боғлиқ янги сана маълум қилинмаган.
Изоҳ (0)