Испания Олий суди диктатор Франсиско Франконинг жасади қолдиқларини Қурбонлар водийсидаги мемориал комплексдан кўчириш ҳақидаги ҳукумат қарорини қўллаб-қувватлади. Бу ҳақда Meduza хабар бермоқда.
Шунингдек, судьялар Франко авлодларининг қолдиқларини Мадриддаги Альмуден кафедрал ибодатхонасига кўчириш талабини рад этди. Испания ҳукумати ибодатхона диктатор тарафдорларининг зиёрат жойига айланади деб ҳисоблагани учун бунга қарши чиққанди.
Франконинг жасади қолдиқлари Мингоруббио қабристонига кўмиладиган бўлди.
Жасад қолдиқларини кўчириш ҳақидаги қарор жорий йил февралида қабул қилинган, бироқ Олий суд Франко авлодлари талабига кўра уни тўхтатиб қўйганди.
Изоҳ (0)