Boeing компанияси Индонезия ва Эфиопиядаги 737 МАХ лайнерларининг ҳалокатининг 346 нафар қурбони қариндошларига бир марталик компенсация тўлаб беради, деб хабар берди Meduza.
Қурбонларнинг оилаларига компаниянинг 50 миллион жамғармага эга махсус фондидан 144 500 АҚШ доллари миқдоридаги бир марталик компенсация ажратилади. Улар тўлов юзасидан 2019 йил охирига қадар компанияга мурожаат қилиши мумкин. Компания ушбу компенсация тўланганидан кейин ҳалок бўлганлар қариндошларининг ҳалокат юзасидан судга мурожаат қилишига тўсқинлик қилмоқчи эмас.
Boeing яна 50 миллион АҚШ доллари миқдоридаги пулни авиаҳалокатлар қурбонлари оила аъзоларининг таълим олиши ва кундалик тўловлари учун ажратади.
Аввал 737 МАХ ҳалокати сабаб ҳалок бўлганларнинг оила аъзолари умумий ҳисобда 100 дан ортиғи судга Boeing устидан шикоят қилган. Бундан ташқари юзлаб учувчилар компания билан 737 МАХ лайнерларининг камчиликларини ўз вақтида бартараф қилинмагани учун судлашмоқда.
2019 йил март ойидан бери бутун дунёда Boeing 737 МАХ самолётларида учишлар ва уларни аэропортларга етказиш тўхтатилган.
Изоҳ (0)