Сурия ҳукумати ва мамлакатнинг мухолифат доиралари Сурия Конституцион қўмитасини яратиш бўйича ўзаро келишувга эришди. БМТ Бош котиби Антониу Гутерришнинг сўзларига кўра, қўмита тез кунларда ўз ишини бошлайди, деб хабар берди «Коммерсантъ».
«Мен Сурия ҳукумати билан барқарор, ишончли Конституцион қўмитани яратиш бўйича келишувга эришилганини эълон қилишдан мамнунман. У яқин ҳафта ичида Женеведа тўпланади», — дейди Гутерриш.
БМТ Бош котиби янги тузилманинг ташкил этилиши Суриядаги вазиятни барқарорлаштириш йўлидаги сиёсий қадам бўлиши лозимлигини таъкидлади. Унинг сўзларига кўра, ушбу жараён низолашаётган томонлар ўртасида ишончни шакллантириш бўйича аниқ ҳаракатларни амалга ошириши керак.
«Мен Россия, Туркия ва Эрон ҳукуматига мазкур битимнинг имзоланишида кўрсатган дипломатик ҳамкорлиги учун миннатдорчилик билдираман. Шунингдек, Хавфсизлик Кенгашига аъзо давлатлар ва ‘кичик гуруҳ’ (Буюк Британия, Германия, Миср, Иордания, Саудия Арабистони, АҚШ ва Франция) давлатларидан миннатдорман», — дейди Гутерриш.
Изоҳ (0)