Boeing kompaniyasi Indoneziya va Efiopiyadagi 737 MAX laynerlarining halokatining 346 nafar qurboni qarindoshlariga bir martalik kompensatsiya to‘lab beradi, deb xabar berdi Meduza.
Qurbonlarning oilalariga kompaniyaning 50 million jamg‘armaga ega maxsus fondidan 144 500 AQSh dollari miqdoridagi bir martalik kompensatsiya ajratiladi. Ular to‘lov yuzasidan 2019-yil oxiriga qadar kompaniyaga murojaat qilishi mumkin. Kompaniya ushbu kompensatsiya to‘langanidan keyin halok bo‘lganlar qarindoshlarining halokat yuzasidan sudga murojaat qilishiga to‘sqinlik qilmoqchi emas.
Boeing yana 50 million AQSh dollari miqdoridagi pulni aviahalokatlar qurbonlari oila a’zolarining ta’lim olishi va kundalik to‘lovlari uchun ajratadi.
Avval 737 MAX halokati sabab halok bo‘lganlarning oila a’zolari umumiy hisobda 100 dan ortig‘i sudga Boeing ustidan shikoyat qilgan. Bundan tashqari yuzlab uchuvchilar kompaniya bilan 737 MAX laynerlarining kamchiliklarini o‘z vaqtida bartaraf qilinmagani uchun sudlashmoqda.
2019-yil mart oyidan beri butun dunyoda Boeing 737 MAX samolyotlarida uchishlar va ularni aeroportlarga yetkazish to‘xtatilgan.
Izoh (0)