O‘zbekiston xalq ta’limi vaziri Sherzod Shermatov 21-sentabr kuni Toshkent viloyatining Piskent tumaniga tashrif buyurdi. Vazir hamda tuman hokimi Shuhrat Axmedov tumandagi 5-umumta’lim maktabida bo‘lgan.
“Maktabdagi iqtidorli o‘quvchilar va ularga ta’lim berayotgan fidoyi ustozlar bilan samimiy suhbat qurgan vazir matematika fani bo‘yicha o‘qituvchilarning tajribalarini o‘rgandi, takliflari bilan qiziqdi. Tuman hokimining Piskentda matematika faniga ixtisoslashtirilgan maktab tashkil etish haqidagi taklifi vazir Shermatov tomonidan ma’qullandi”, — deyiladi tuman hokimligi axborotida.
Qayd etishlaricha, Piskentdagi 5-umumta’lim maktabi aniq fanlar bo‘yicha tayanch maktabi hisoblanadi. 2019-yilda umumta’lim maktablari orasida o‘tkazilgan Milliy reytingda ushbu maktab Toshkent viloyati bo‘yicha 2-o‘rinni egallagan.
Izoh (0)