АҚШ коинотга қурол-яроғ жойлаштира бошлади ва бундай ҳаракатларни тақиқлаш борасидаги таклифларни рад этмоқда. Бу ҳақда Россия ташқи ишлар вазири Сергей Лавров маълум қилди, дея хабар беради «Коммерсантъ».
Лавровга кўра, Вашингтон Ядровий синовларни ман этиш ҳақидаги шартномадан воз кечишга ҳозирлик кўрмоқда. Шунингдек, муддати 2021 йил февралида якунланадиган Стратегик ҳужум қуролларини чеклаш бўйича шартнома тақдири ҳам мавҳумлигича қолмоқда.
Россия ташқи сиёсий маҳкамаси раҳбари АҚШ 2002 йили ракетага қарши мудофаа тизимларини чеклаш тўғрисидаги шартномадан чиққани, 2019 йил августида муддати якунига етган ўрта ва кичик масофаларга мўлжалланган ракеталарни йўқ қилиш бўйича шартномани узайтириш таклифига аниқ-тиниқ жавоб бермаганини эслатди.
Ҳозирда биз АҚШда Ядровий синовларни ман этиш ҳақидаги шартномадан (ҳужжат Қўшма Штатлар томонидан ратификация қилинмаган) буткул воз кечишга асос яратиш учун медиа-кампания бошлангани аломатларини сезмоқдамиз. Бу дунёда тинчлик ва хавфсизлик учун муҳим ҳужжат келажагини сўроқ остида қолдиради.Сергей Лавров, Россия ташқи ишлар вазири
Изоҳ (0)