Microsoft асосчиси, миллиардер Билл Гейтс Quartz нашрига берган интервьюсида ҳозирги замон иқтисодчилари макроиқтисодиёт ҳақида деярли тушунчага эга эмаслигини қайд этди, деб ёзмоқда Spot.
«Иқтисодчиларнинг макроиқтисодиётни тушунмасликлари ачинарли ҳол. Ахир муайян маълумотларни олиб, натижани башорат қилиш физикага ўхшамайди-ку. Ставкалар қачондир меъёрий ҳолатга келадими ёки нима учун улар ҳеч қачон нормаллашмайди? Ушбу саволларга иқтисодчилар орасида маслаҳатлашувсиз жавоб топа олмайсиз. Физикларда эса тўпни олиб баскетбол саватчасига ташлайсиз ва қандай ҳодиса юз берганини улар сизга тушунтира олади», — дейди тадбиркор.
Ушбу ноаниқликни миллиардер бир неча якуний натижага таъсир қилаётган омилларни санаш орқали тушунтирди.
«Бунда турли омиллар мавжуд <...> иқтисодий тенгликда олдиндан ниманидир айтиш мушкул. Одамлар ҳалигача 2008 йилда нима бўлганини муҳокама қилишда давом этаётган бугунги кунда келажак ҳақида гапирмаса ҳам бўлаверади», — деб ҳисоблайди Гейц.
Микроиқтисодиёт иқтисодиётни алоҳида корхона ва истеъмолчилар орқали ўрганса, макроиқтисодиёт унга умумий таъсир кўрсатувчи турли омилларни кўриб чиқади. Фоиз ставкалари, инфляция ва иқтисодий ўсишнинг ишсизликка таъсирини мисол келтириш мумкин.
Гейц томонидан иқтисодчиларнинг танқид қилиниши бир неча ўн йиллардан буён давом этиб келмоқда ва у бу орқали соҳанинг сиёсат ва оммавий маданият тезкор такомиллашувига хизмат қилишини истайди.
«10 йиллик салбий ставкалар ёки Германиядаги 30 йиллик салбий ставкалар — бу макроиқтисодиёт учун ўрганилмаган ҳудуд. Уоррен Баффет айтганидек, ҳар қандай иқтисодиёт дарслигини очиб ўрганилса, салбий фоиз ставкаларига манбалар берилади, лекин уларни топиб бўлмайди. Шундан ҳам мен улар бор деб ҳисоблайман», — дейди Microsoft асосчиси.
Изоҳ (0)