Исроил бош вазири Биньямин Нетаньяхунинг «Ликуд» партияси парламентда 31 тадан 33 тагача ўринни, унинг ўнг-марказчилар блоки эса 57 тагача ўринни банд этиши мумкин. The Jerusalem Post томонидан сайловчилар орасида ўтказилган учта сўров натижалари шуни кўрсатмоқда, деб хабар беради Meduza.
Бени Ганснинг «Каҳоль-Лаван» партияси эса парламентда 32 тадан 34 тагача ўринни, унинг сўл-марказчилари эса 58 тагача ўринни эгаллаши мумкинлиги айтилмоқда.
Башоратларга кўра, Нетаньяху ҳам, Ганс ҳам Кнессетда кўпчиликни ташкил эта олмайди: ғолиблик учун 120 ўриндан 61 таси керак.
Сайловларнинг якуний натижалари бугун, 18 сентябрь куни эълон қилинади.
Эслатиб ўтамиз, Исроил тарихида биринчи бор муддатидан олдинги сайловлар бўлиб ўтади. Сайловлар апрель ойида ўтказилган овоз бериш жараёнларида Нетаньяху ҳукуматни шакллантира олмаганидан сўнг белгиланган эди.
Изоҳ (0)