Microsoft asoschisi, milliarder Bill Geyts Quartz nashriga bergan intervyusida hozirgi zamon iqtisodchilari makroiqtisodiyot haqida deyarli tushunchaga ega emasligini qayd etdi, deb yozmoqda Spot.
“Iqtisodchilarning makroiqtisodiyotni tushunmasliklari achinarli hol. Axir muayyan ma’lumotlarni olib, natijani bashorat qilish fizikaga o‘xshamaydi-ku. Stavkalar qachondir me’yoriy holatga keladimi yoki nima uchun ular hech qachon normallashmaydi? Ushbu savollarga iqtisodchilar orasida maslahatlashuvsiz javob topa olmaysiz. Fiziklarda esa to‘pni olib basketbol savatchasiga tashlaysiz va qanday hodisa yuz berganini ular sizga tushuntira oladi”, — deydi tadbirkor.
Ushbu noaniqlikni milliarder bir necha yakuniy natijaga ta’sir qilayotgan omillarni sanash orqali tushuntirdi.
“Bunda turli omillar mavjud <...> iqtisodiy tenglikda oldindan nimanidir aytish mushkul. Odamlar haligacha 2008-yilda nima bo‘lganini muhokama qilishda davom etayotgan bugungi kunda kelajak haqida gapirmasa ham bo‘laveradi”, — deb hisoblaydi Geyts.
Mikroiqtisodiyot iqtisodiyotni alohida korxona va iste’molchilar orqali o‘rgansa, makroiqtisodiyot unga umumiy ta’sir ko‘rsatuvchi turli omillarni ko‘rib chiqadi. Foiz stavkalari, inflyatsiya va iqtisodiy o‘sishning ishsizlikka ta’sirini misol keltirish mumkin.
Geyts tomonidan iqtisodchilarning tanqid qilinishi bir necha o‘n yillardan buyon davom etib kelmoqda va u bu orqali sohaning siyosat va ommaviy madaniyat tezkor takomillashuviga xizmat qilishini istaydi.
“10 yillik salbiy stavkalar yoki Germaniyadagi 30 yillik salbiy stavkalar — bu makroiqtisodiyot uchun o‘rganilmagan hudud. Uorren Baffet aytganidek, har qanday iqtisodiyot darsligini ochib o‘rganilsa, salbiy foiz stavkalariga manbalar beriladi, lekin ularni topib bo‘lmaydi. Shundan ham men ular bor deb hisoblayman”, — deydi Microsoft asoschisi.
Izoh (0)