Йирик инвестиция банклари «Яндекс.Такси» сервисини 7,7—8,5 миллиард долларга баҳолади. Бу ҳақда Bank of America, UBS, Goldman Sachs ҳамда Sberbanк SIB таҳлилчиларига таяниб Meduza хабар берди.
Forbes журналининг Bloomberg агентлигига таяниб маълум қилишича, «Яндекс»нинг жами капитализацияси 12,4 миллиард долларга тенг. «Яндекс.Такси»нинг хорижлик рақобатчилари — Uber ва Lyft эса тегишли равишда 60,8 ҳамда 17,4 миллиард долларга баҳоланган.
Аввалроқ, компания «Яндекс.Такси» 2019 ёки 2020 йилда IPO (акцияларини бирламчи эълон қилиш) ўтказишни режалаштираётгани ҳақида хабарлар тарқалган эди.
2017 йили «Яндекс» ва Uber’нинг ўзаро битимида «Яндекс.Такси» 3,8 миллиард долларга баҳоланган эди.
Изоҳ (0)