Дунё муҳожирларининг сони 272 миллионга етди

БМТ иқтисодий ва ижтимоий масалалари бўйича департаменти хабарига кўра, жорий йилда дунё бўйича халқаро муҳожирлар сони 51 миллионга кўпайди ва 272 миллион нафарга етди. Ҳозирда мигрантлар дунё аҳолисининг 3,5 фоизини ташкил қилади, деб ёзмоқда «Коммерсантъ».

Департамент маълумотларига кўра, муҳожирларнинг асосий қисми (82 млн) Европада, Шимолий Америка (59 млн), Шимолий Африка ва Ғарбий Осиёда (49 млн) яшайди. Маълумотда АҚШнинг дунё бўйича энг кўп муҳожирларни қабул қилиши (51 млн) ва бу 19 фоизга тенг эканлиги қайд этилган.

Муҳожирларни қабул қилувчи энг асосий мамлакатлар қаторига қуйидаги давлатлар кирган:

АҚШ — 51 млн;

Германия — 13 млн;

Саудия Арабистони — 13 млн;

Россия — 12 млн;

Буюк Британия — 10 млн;

БАА — 9 млн;

Франция — 8 млн;

Канада — 8 млн;

Австралия — 8 млн;

Италия — 8 млн.

Департамент ҳисоб-китобларига кўра, муҳожирларнинг 18 миллиони Ҳиндистон, 12 миллиони Мексика, 11 миллиони Хитой, 10 миллиони Россия ва 8 миллион нафари эса Сурия давлатига тўғри келади.