Қирғизистон—Тожикистон чегарасида юз берган отишмада қирғиз ҳарбий хизматчиси ҳалок бўлди

Қирғизистон—Тожикистон чегарасида юз берган отишмада ҳарбий хизматчи ҳалок бўлди. Бу ҳақда «Коммерсантъ» хабар бермоқда.

Қирғизистон давлат чегара хизмати вакилларига кўра, биринчи бўлиб тожик томони ўт очган. Бунинг оқибатида қирғиз чегарачиси ҳалок бўлган.

Можарога Тожикистон фуқаролари чегаранинг аниқ белгиланмаган ҳудудида қурилиш ишларини олиб боргани сабаб бўлган. Бунга жавобан қирғиз фуқароси ўша ерда жойлашган уйининг атрофида девор айлантиришга киришган. Кейинчалик томонлар ўртасида даҳанаки тортишув бошланган ва шундан сўнг отишма юз берган.

Қирғизистон давлат чегара хизмати вакиллари тожик ҳарбийлари уларнинг «Максат» ва «Сой» чегара постларини ўққа тутганини даъво қилмоқда.