10 сентябрь куни Тошкент вилоятининг Тошкент тумани «Чувалачи» маҳалласида яшовчи Ж.Д. исмли фуқаро Ички ишлар бўлимига ариза билан мурожаат қилиб, машинаси ичида бўлган пуллар ўғирлаб кетилганини билдирган. Бу ҳақда Ички ишлар вазирлиги Жамоатчилик ва оммавий ахборот воситалари билан алоқалар бошқармаси хабар берди.
Таъкидланишича, жабрланувчи Божхона 1-тор кўчасида Spark автомашинаси эшикларини очиқ қолдиргани оқибатида номаълум шахс машина салонида бўлган 50 миллион сўм ва 4000 АҚШ доллари миқдоридаги пулларини ўғирлаб кетганини билдирган.
Тезкор ходимлар томонидан ўтказилган тадбир натижасида ушбу жиноятни 1992 йилда туғилган А.Ғ. исмли шахс содир этганлиги аниқланиб, қўлга олинган. Ўғирланган пуллар эгасига қайтарилган.
Ҳолат юзасидан Жиноят кодексининг 169-моддаси («Ўғрилик») 3-қисми билан жиноят иши қўзғатилган.
Изоҳ (0)