Ушбу жадвалда инфляция йиллик ЯИМ дефляторида фоизларда тақдим этилган. «Anhor.uz» иқтисодчи Абдулла Абдуқодировнинг шарҳини келтирган.
— Нархлар индексининг дефлятори ўзи нима? Бу ялпи ички маҳсулотнинг реал ўсишини таққослаётганингизда жорий нархлар даражасини ололмаслигингиз, чунки нархлар ишлаб чиқариш ҳажмлари ошмаса ҳам ўсган бўлиши мумкин. Шу боис ЯИМ ўсишини ҳисоблаганда, асосий маҳсулотлар ва хизматларни ишлаб чиқаришнинг абсолют миқдори солиштириладиган ўтган давр (йил, чорак, ой) давомида амалда бўлган ўртача ўлчанган нархларда олинади.
Агар, масалан, пахта ишлаб чиқаришнинг умумий ўсиш ҳажми 110 миллиард сўмга етган ҳолда, 10 миллиард сўмни (шартли равишда) ташкил қилиб, ўтган йил билан солиштирганда эса худди шу ҳажм учун нархлар 8 миллиард сўмга ошган бўлса, унда ишлаб чиқаришнинг ҳақиқий ўсиши (ЯИМда ҳисоблаганда) бор-йўғи 2 миллиард сўмга ошган, холос ёки ўсиш бор-йўғи 2 фоизни ташкил қилган.
Жаҳон банки хабарида ЯИМ ўсишини ҳисоблаш учун нархлар индексининг дефлятори Ўзбекистонда 2018 йилда 28,1 фоизни ташкил қилгани айтилади. Бу Ўзбекистон статистика қўмитасининг хабарига мутлақ тўғри келади. Бошқача қилиб айтганда, нархлар 28,1 фоизга ошган, шу билан бирга, нархлар ўсиши омилини ҳисобга олмаган ҳолда, соф ўсишнинг ўзи 5,1 фоизни ташкил қилган.
Изоҳ (0)