Республика Гидрометеорология маркази Ўзбекистонда янги ҳафтада кутилаётган об-ҳаво ҳақида маълумот берди.
Волгабўйи ҳудудидан кириб келадиган салқин ҳаво оқимлари таърисида ҳаво ҳарорати пастлайди. Худди шу ҳарорат ҳафта охирига қадар сақланиб қолади.
Шанба куни бутун республикада ҳаво қуёшли бўлиб, якшанба куни булутли, бироқ ёғингарчиликларсиз бўлиши кутилмоқда. Ҳаво ҳарорати кечаси +10…+15, кундузи +23…+28 даража атрофида бўлади.
Душанба куни куни об-ҳаво кескин ёмонлашади. Тошкент, Самарқанд, Жиззах ва Сирдарё вилоятлари ҳамда Фарғона водийси бўйлаб айрим жойларда ёмғир ёғиши, кундузи ҳарорат +17…+22 даражагача тушиши мумкин.
Бухоро, Навоий, Қашқадарё ва Сурхондарё вилоятларида ёмғир ёғиш эҳтимоли кам, ҳарорат +20…+25 даража атрофида бўлади. Қорақалпоғистон ва Хоразм вилоятида ёғингарчиликлар кутилмайди.
Сентябрь ойининг биринчи ярмида ҳаво ҳароратининг бундай совуб кетиши узоқ давом этмайди. 10 сентябрь, сешанба кунидан ёғингарчиликларсиз об-ҳаво ҳукмронлиги ўрнатилади, лекин Фарғона водийсида яна бир кун ёмғир ёғиши мумкин.
Изоҳ (0)