Гонконг маъмурияти раҳбари Кэрри Лам ўзининг телемурожаатида жиноятда айбланаётган гумонланувчиларни Хитойга экстрадиция қилиш тўғрисидаги қонун лойиҳаси қайтариб олинганини эълон қилди, деб хабар беради Meduza.
Июнь ойида муҳокамага қўйилган ушбу қонун лойиҳасига қарши гонконгликлар норозилик намойишларини бошлаб юборган эди. Айрим маълумотларга кўра, 1 миллиондан ортиқ одам Гонконг кўчаларига чиққан.
Қайд этилишича, бу 1997 йили Буюк Британия Гонконгни Хитой ихтиёрига қайтарганидан бери ўтказилган энг катта оммавий норозилик намойишига айланган.
Аввалроқ, Махсус маъмурий туман раҳбари Кэрри Лам ёпиқ эшиклар ортида намойишга чиққан ёшлар вакиллари билан учрашгани, бироқ ўзаро келишувга эришилмагани ҳақида хабар берилган эди.
Изоҳ (0)