Gonkong ma’muriyati rahbari Kerri Lam o‘zining telemurojaatida jinoyatda ayblanayotgan gumonlanuvchilarni Xitoyga ekstraditsiya qilish to‘g‘risidagi qonun loyihasi qaytarib olinganini e’lon qildi, deb xabar beradi Meduza.
Iyun oyida muhokamaga qo‘yilgan ushbu qonun loyihasiga qarshi gonkongliklar norozilik namoyishlarini boshlab yuborgan edi. Ayrim ma’lumotlarga ko‘ra, 1 milliondan ortiq odam Gonkong ko‘chalariga chiqqan.
Qayd etilishicha, bu 1997-yili Buyuk Britaniya Gonkongni Xitoy ixtiyoriga qaytarganidan beri o‘tkazilgan eng katta ommaviy norozilik namoyishiga aylangan.
Avvalroq, Maxsus ma’muriy tuman rahbari Kerri Lam yopiq eshiklar ortida namoyishga chiqqan yoshlar vakillari bilan uchrashgani, biroq o‘zaro kelishuvga erishilmagani haqida xabar berilgan edi.
Izoh (0)