Давлат хизматлари маркази ижтимоий тармоқларда тарқалган ДХМнинг озиқ-овқат маҳсулотлари ортилган Damas хизмат автомобили фотосуратига муносабат билдирди.
Ушбу машина орқали ДХМларга шахсан ташриф буюриш имкониятига эга бўлмаган фуқаролар, шунингдек, чекка ҳудудларда жойлашган аҳоли пунктларида истиқомат қилувчи шахслар учун сайёр давлат хизматлари кўрсатилади.
Давлат хизматлари агентлигининг таъкидлашича, мустақиллик куни арафасида Давлат хизматлари марказлари республика бўйлаб ижтимоий ҳимояга муҳтож аҳоли қатламлари учун зарурий ёрдам ва бирламчи озиқ-овқат маҳсулотлари билан таъминлаш бўйича ижтимоий акцияларни ўтказиш ташаббуси билан чиққан. Унда Қорақалпоғистон ходимлари ҳам иштирок этган.
«Фотосуратда кўриниб турганидек, Чимбой тумани Давлат хизматлари маркази ходимлари кейинчалик эҳтиёжманд фуқароларга етказиш учун озиқ-овқат маҳсулотларини харид қилишмоқда. Баъзи ижтимоий тармоқ фойдаланувчилари ушбу ҳолатни нотўғри талқин этиб, ўзларича ‘шов-шув’ ясамоқчи бўлган. Бундай провокацияларга йўл қўймайлик», — дейилади агентлик хабарида.
Изоҳ (0)