Шавкат Мирзиёев «Ўзбекистон Республикаси давлат мустақиллигининг йигирма саккиз йиллиги муносабати билан фан, таълим, соғлиқни сақлаш, адабиёт, маданият ва санъат соҳалари ходимларидан бир гуруҳини мукофотлаш тўғрисида»ги фармонни имзолади.
Ҳужжатга кўра, улар «халқимизнинг илмий-интеллектуал салоҳияти ва маънавиятини юксалтириш, таълим, маданият, адабиёт, санъат, соғлиқни сақлаш, жисмоний тарбия ва спорт соҳаларини ривожлантиришдаги хизматлари, Ватанимиз мустақиллигини мустаҳкамлаш, юртимиз тараққиёти, тинчлиги ва барқарорлигини таъминлаш ишига қўшган муносиб ҳиссаси ҳамда жамоатчилик ишларидаги кўп йиллик самарали иштироки учун» мукофотланган.
Жумладан, «Дийдор» театр-студияси раҳбари Баҳодир Йўлдошев «Буюк хизматлари учун», «Мақом» ансамбли раҳбари Абдуҳошим Исмоилов, ёзувчи Худойберди Тўхтабоев, актёр Абзал Рафиқов «Фидокорона хизматлари учун», Клара Жалилова, Муножот Йўлчиева, Замира Суюнова, Севара Назархон «Меҳнат шуҳрати» ордени билан тақдирланди.
Тақдирланганлар орасида салкам 100 ёшни қаршилаётган шоир Шукрулло ҳам бор.
Изоҳ (0)