Тошкент фотосуратлар уйида Биринчи Президент хотирасига бағишланган «Ўзбекистон халқаро эътироф йўлида» номли фотокўргазма очилди. Бу ҳақда Ислом Каримов фонди хабар бермоқда.
Кўргазма Биринчи Президент хотираси ҳафталиги доирасида ташкилланди.
Унинг экспозициясида кўп йиллар давомида Биринчи Президент матбуот хизматида ишлаган Фарҳод Қурбонбоев, шунингдек, Темур Қурбонбоевнинг фотосуратлари намойиш этилмоқда.
Кўргазмада 100 дан ортиқ тарихий фотосурат тақдим этилган. Уларда Ислом Каримовнинг хорижий давлатлар ва халқаро ташкилотлар раҳбарлари, таниқли сиёсий ва жамоат арбоблари билан учрашувлари, турли халқаро тадбирлардаги иштироки акс этган.
Изоҳ (0)