АҚШ, Канада ва Норвегия ҳарбийлари 26—30 август кунлари Россия узра кузатув парвозини амалга оширади. Бу ҳақда Ядровий хавфни камайтириш маркази бошлиғи Сергей Рижковга таяниб, «РИА Новости» хабар берди.
«26—30 август кунлари Очиқ осмон халқаро шартномасининг ижроси доирасида Норвегия, Канада ва АҚШ ҳамкорликдаги миссия Швециянинг CААБ-340 самолёти орқали Россия ҳудуди бўйлаб кузатув парвозини амалга оширади», — дейди Рижков.
Россиялик ҳарбийлар самолёт бортидан туриб парвоз ва рухсат берилган аппаратлардан фойдаланилишини назорат қилади.
Очиқ осмон бўйича шартнома 1992 йилда имзоланган бўлиб, 2002 йилдан буён амалда ва унга аъзо давлатларга бир-бирининг қуролли кучлари ва тадбирлари ҳақида очиқ маълумот йиғиш имкониятини беради.
Бундан ташқари 26—29 август кунлари 2011 йилда имзоланган Вена ҳужжатининг ижроси доирасида Россия Литва ҳудудида инпексия ўтказишни режалаштирмоқда. Инспекция ҳарбий фаолиятнинг бор ёки йўқлигини аниқлаш мақсадида ўтказилади.
Изоҳ (0)