Россиялик депутат Александр Шерин ўлим жазосига қўйилган мораторийни олиб ташлаш зарурлиги ҳақидаги фикрга қўшилишини билдирди, деб ёзади «Подём» Telegram канали.
«Мамлакатимизга Европани тарғиб қилаётган сохта инсоний қадриятлар остида қўйилган барча нарсалар давлатимизнинг йўқ бўлиб кетиши учун атайлаб амалга оширилади. Ўлим жазосига мораторий Россия Федерациясини йўқ қилади», — дейди депутат.
Шу билан бирга депутат ушбу масалани кўриб чиқиш ташаббусини илгари суришдан бош тортди, чунки бу «Мамлакатимиз президентининг масаласи» деди у.
Шериннинг фикрига кўра, камида бир неча кишини ўлдирган жиноятчилар олий жазога ҳукм қилиниши керак.
«Ўрта Осиёдан келиб, эмизикли боланинг бошини танасидан жудо қилган аёлни эслайсизми? (Гап энага Гулчеҳра Бобоқулова ҳақида кетмоқда). У қўлга олиниш чоғида отиб ташланиши керак эди. Афсуски, ҳуқуқ-тартибот органлари ходимларидан ҳеч бири бу ишни қилмади», — дейди депутат.
Изоҳ (0)