Марокашда шу кунгача фанга маълум бўлган стегозаврларнинг энг қадимий вакилининг қолдиқлари топилди. Ушбу жонзотлар ер юзида бундан 168 миллион йил аввал яшагани тахмин қилинмоқда, деб хабар беради «Korrespondent.net».
Стегозаврлар Шимолий Америка, Осиё ва Европада кенг тарқалган бўлган. Бироқ Шимолий Африкада шу кунга қадар бирорта стегозаврнинг қолдиғи топилмаган эди.
Шу сабабли ўтхўр динозаврларнинг мазкур тури минтақада дуч келинган биринчи топилма ҳисобланади.
Палеонтолог Сюзанна Майдмент бошчилик қилган олимлар гуруҳи стегозаврнинг янги турини Adratiklit boulahfa («ғор калтакесаги») деб номлади.
«Adratiklit boulahfa’нинг ўзига хослиги, у Юра даврининг иккинчи қисмига — Ўрта Юрага тегишли. Шу кунгача топилган стегозаврларнинг аксарияти кейинги даврларга тегишли. Шу сабабли ушбу қолдиқлар стегозаврларнинг энг сўнгги вакили бўлиб, динозаврларнинг мазкур гуруҳи эволюциясини яхшироқ ўрганишимизга ёрдам беради», — дейди Майдмент.
Изоҳ (0)