Marokashda shu kungacha fanga ma’lum bo‘lgan stegozavrlarning eng qadimiy vakilining qoldiqlari topildi. Ushbu jonzotlar yer yuzida bundan 168 million yil avval yashagani taxmin qilinmoqda, deb xabar beradi “Korrespondent.net”.
Stegozavrlar Shimoliy Amerika, Osiyo va Yevropada keng tarqalgan bo‘lgan. Biroq Shimoliy Afrikada shu kunga qadar birorta stegozavrning qoldig‘i topilmagan edi.
Shu sababli o‘txo‘r dinozavrlarning mazkur turi mintaqada duch kelingan birinchi topilma hisoblanadi.
Paleontolog Syuzanna Maydment boshchilik qilgan olimlar guruhi stegozavrning yangi turini Adratiklit boulahfa (“g‘or kaltakesagi”) deb nomladi.
“Adratiklit boulahfa’ning o‘ziga xosligi, u Yura davrining ikkinchi qismiga — O‘rta Yuraga tegishli. Shu kungacha topilgan stegozavrlarning aksariyati ancha keyingi davrlarga tegishli. Shu sababli ushbu qoldiqlar stegozavrlarning eng so‘nggi vakili bo‘lib, dinozavrlarning mazkur guruhi evolyutsiyasini yaxshiroq o‘rganishimizga yordam beradi”, — deydi Maydment.
Izoh (0)