Окленддан (Калифорния) Гонолулуга (Гавайи)га парвоз қилган Американинг Hawaiian Airlines компаниясига тегишли самолёт бортида тутун пайдо бўлгани сабаб фавқулодда қўнишни амалга оширди, деб хабар беради «ТАСС».
CNN телеканалининг маълум қилишича, қўниш оқибатида етти кишига жароҳат етган ва улар шифохонага етказилган.
Жароҳат олганлар орасида икки нафар болакай бўлиб, уларнинг нафас олишида муаммо юзага келган. Ҳозирда уларнинг ҳаётига ҳеч нима хавф туғдирмаётгани маълум қилинди.
Маълумотларга кўра, 184 нафар йўловчи ва етти нафар экипаж аъзоси бўлган самолёт белгиланган манзилга қўнишни амалга оширишидан 20 дақиқа олдин тутун пайдо бўлган ва шундан сўнг, фавқулодда қўниш бўйича қарор қабул қилинган.
Одамларни эвакуация қилиш учун шиширма трапдан фойдаланилган.
Авиакомпания ҳозирча самолётда нима сабабдан ёнғин юзага келганини аниқлаганича йўқ.
Изоҳ (0)