Google компанияси YouTube видеохостингидан Гонконгдаги вазиятга таъсир ўтказишга уринган 210 та канални ўчириб қўйди, деб хабар беради «РИА Новости».
«Биз Гонконгдаги норозилик намойишларига тааллуқли видеоларни YouTube тармоғига мақсадли равишда юклаган 210 та канални ўчириб қўйдик», — дейилади баёнотда.
Таъкидланишича, ўчириб қўйилган каналлар VPN-сервислар ва бошқа усуллардан фойдаланган. Шунингдек, Google’нинг маълум қилишича, аниқланган тармоқ аввалроқ Twitter хабар берган Хитой ҳукуматининг ҳаракатларига мос келади.
19 август куни Twitter Хитой ҳукуматининг Гонконгдаги вазиятга «ихтилоф уруғини сепган» 200 мингга яқин аккаунтини блоклаб қўйганди.
Гонконгдаги норозилик намойишлари июнь ойидан буён давом этиб келмоқда. Фуқароларни Гонконг фуқароси Хитойда суд қилиниши мумкинлиги тўғрисидаги қонун лойиҳаси ғазабга келтирган эди.
Изоҳ (0)