Доғистоннинг Кулесма қишлоғи раҳбарининг ўринбосари пенсия олиш учун ўзини 34 ёшга «қаритгани» маълум бўлди, деб хабар беради «Korrespondent.net».
Таъкидланишича, маҳаллий миграция хизмати бўлимида 28 ёшли амалдорга туғилган йили ўзгартириган сохта паспорт берилган.
Бундан ташқари у меҳнат дафтарчасини ҳам сохталаштирган. Ҳужжатда амалдор 1985 йилдан 1996 йилгача колхозда ишлагани кўрсатилган.
2018 йилнинг февралида эркак туман пенсия бўлимига мурожаат қилиб, ўзига қарилик пенсияси тайинланишини сўраган. 2018 йилнинг мартидан 2019 йилнинг июлига қадар амалдорга 155 минг рублдан ортиқ пенсия тўланган.
Ҳозирда эркакка нисбатан «фирибгарлик» моддаси бўйича жиноят иши қўзғатилган. Шунингдек, Пенсия жамғармаси ва миграция хизмати ходимларига нисбатан ўз ваколатларини суиистеъмол қилиш бўйича жиноят ишлари очилган.
Изоҳ (0)