Сирдарё вилоятида қишлоқ хўжалиги ва сув хўжалиги вазирлигининг қуйи тизимидаги мансабдорлари томонидан бюджетга етказилган 3 миллиард сўмдан ортиқ маблағ ундирилди. Бу ҳақда вилоят прокуратураси жамоатчилик билан алоқалар ва ҳуқуқий ахборот гуруҳи «Дарё»га маълум қилди.
Хабарда айтилишича, содир этилган жиноятлар бўйича қўзғатилган жиноят ишлари юзасидан жорий йилнинг 7 ойи давомида жами 71 та иқтисодиёт соҳасидаги жиноят ишлари иш юритувга қабул қилинган. Натижада 11 миллиард сўм зарар аниқланиб, тергов давомида ундирилган.
Жумладан, қишлоқ хўжалиги, сув хўжалиги вазирликларининг қуйи тизимларидаги мансабдорлари томонидан бюджетга етказилган 3 миллиард 294 миллион сўм ундирилган. Халқ таълими вазирлигининг қуйи тизимлари мансабдор шахслари томонидан бюджетга етказилган 756 миллион сўм, тижорат банклари мансабдори 349 миллион сўм ва давлат улуши бўлган хўжалик юритувчи субъект раҳбарлари томонидан бюджетга етказилган 676 миллион сўм зарар ундирилган.
Шунингдек, давлат улуши бўлмаган хўжалик юритувчи субъектлар ва фуқароларга етказилган 265 миллион сўм зарарлар қайтарилган.
Изоҳ (0)