Наманган вилояти божхона бошқармаси томонидан Давлат хавфсизлик хизмати билан хамкорликда ўтказилган тезкор тадбир натижасида қиймати 1,1 миллиард сўмлик смартфонларнинг ноқонуний олиб кирилгани аниқланди. Бу ҳақда Божхона қўмитаси ахборот хизмати маълум қилди.
Наманган шаҳрида фуқаро А.А.нинг хонадони белгиланган тартибда ва холислар иштирокида кўздан кечирилганида, ҳовлидаги Cobalt ва Nexia-3 русумли автомашиналар салони ва юкхонасида хорижда ишлаб чиқарилган, тегишли ҳужжатларсиз қўл телефонлари борлиги аниқланди.
Redmi ва Huawei бренди остидаги мазкур смартфонлар жами 867 дона бўлиб, дастлабки ҳисоб-китобларга кўра уларнинг умумий қиймати 1 миллиард 100 миллион 102 минг сўмни ташкил қилар экан.
Ҳозирда юқоридаги ҳолат юзасидан божхона текширувлари давом эттирилмоқда.
Изоҳ (0)