Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг «Ўзбекистон Республикаси ҳудудида такси хизматини кўрсатувчи корхоналар фаолиятини тартибга солиш тўғрисида»ги қарори лойиҳаси муҳокамага қўйилди, дея хабар бермоқда Sputnik.
Қарор лойиҳасида таксиларнинг ташқи кўриниши қандай бўлиши кераклиги, уларни таништирувчи белгилар ҳамда қандай қўшимча ахборотлар билан таъминланиши лозимлиги кўрсатилган.
Шунингдек, ҳайдовчиларга аниқ талаблар ҳам қўйилган. Хусусан, такси ҳайдовчиси бўлишни истаганлар 21 ёшга тўлган, енгил турдаги автотранспорт воситаларини бошқариш учун «Б» тоифа рухсатномасига эга, тиббий кўрикдан ўтган ва шу соҳада камида уч йиллик иш стажига эга бўлиши керак.
Лойиҳада йўловчиларга ташиш хизматини кўрсатишга қаратилган солиқни ҳам қайта кўриб чиқиш, хусусан, буюртманинг 4 фоизини солиқ сифатида тўлаш таклиф этилган.
Муҳокама 16 августга қадар давом этади.
Изоҳ (0)