Namangan viloyati bojxona boshqarmasi tomonidan Davlat xavfsizlik xizmati bilan xamkorlikda o‘tkazilgan tezkor tadbir natijasida qiymati 1,1 milliard so‘mlik smartfonlarning noqonuniy olib kirilgani aniqlandi. Bu haqda Bojxona qo‘mitasi axborot xizmati ma’lum qildi.
Namangan shahrida fuqaro A.A.ning xonadoni belgilangan tartibda va xolislar ishtirokida ko‘zdan kechirilganida, hovlidagi Cobalt va Nexia-3 rusumli avtomashinalar saloni va yukxonasida xorijda ishlab chiqarilgan, tegishli hujjatlarsiz qo‘l telefonlari borligi aniqlandi.
Redmi va Huawei brendi ostidagi mazkur smartfonlar jami 867 dona bo‘lib, dastlabki hisob-kitoblarga ko‘ra ularning umumiy qiymati 1 milliard 100 million 102 ming so‘mni tashkil qilar ekan.
Hozirda yuqoridagi holat yuzasidan bojxona tekshiruvlari davom ettirilmoqda.
Izoh (0)