«Халқ хизматкори» партиясининг етакчиси ҳамда Олий рада спикерлигига номзод Дмитрий Разумков Донбассни қонуний равишда қайтаришнинг иложи йўқлигини маълум қилди, деб хабар беради «Коммерсантъ».
Разумковнинг сўзларига кўра, Украина жануби-шарқидаги можаро — мамлакатнинг асосий муаммоси. «Барчамиз тинчлик бўлишини, Донбасс ва Қрим Украинага қайтишини хоҳлаймиз. Афсуски, буни қонуний йўл билан ҳал этиб бўлмайди», — дейди партия етакчиси.
Разумковнинг таъкидлашича, «вақтинча босиб олинган ҳудуд»ни қайтариш учун комплекс чора-тадбирларни кўриш керак: дипломатия, санкциялар босими, ички сиёсатга оид масалаларни ечиш — коррупцияга қарши кураш, ахборот сиёсати, иқтисод, инфратузилма ва ижтимоий сиёсат.
Украина томони ушбу урушни якунлашни истайди, бироқ бу каби хоҳиш «жараённинг барча иштирокчиларида кузатилмаяпти». Унинг қўшимча қилишича, Донбассга алоҳида мақом бериш масалалари Рада деворлари ортида муҳокама қилинади.
Изоҳ (0)