Facebook компанияси Facebook ва Instagram ижтимоий тармоқларидан ортида Саудия Арабистони ва Бирлашган Араб Амирликлари турган 476 та аккаунтни ўчириб ташлади, деб хабар беради «Korrespondent.net».
«Биз Facebook’дан БАА ва Мисрдан тарқалган ҳамда Яқин Шарқ, Шимолий ва Шарқий Африканинг бир қатор давлатлари, жумладан, Ливия, Судан, Комор ороллари, Қатар, Туркия, Сурия, Ливан, Иордания ва Марокашга қарши қаратилган шубҳали ҳаракатларга жалб қилинган 259 та аккаунтни, 102 саҳифани, 5 гуруҳни ҳамда Instagram’дан 17 та аккаунтни ўчириб ташладик», — дейилади хабарда.
Компанияда таъкидланишича, блокланган аккаунтлар эгалари уйдирма номлар остида Қатар ва Туркиянинг террорчиларни қўллаб-қувватлашга алоқадорлиги, Эроннинг Ямандаги ҳаракатлари, Ливиядаги ихтилоф ва Саудия Арабистони бошчилигидаги коалициянинг Ямандаги муваффақиятлари ҳақидаги материалларни жойлаштирган ва тарқатган. Бу фойдаланувчилар ушбу материалларни БАА манфаати йўлида илгари суришга уринган.
Шу билан бирга, компания маъмурияти Facebook’дан Саудия Арабистонидан тарқалган шубҳали ҳаракатларга алоқадор 217 та аккаунт, 144 саҳифа, 5 гуруҳ ва Instagram’дан 31 аккаунтни ўчириб ташлаган. Бу аккаунтлар эгалари ОАВ бўлинмалари кўриниши остида Саудия Арабистони валиаҳд шаҳзодаси Муҳмммад бин Салмон, унинг «Нуқтаи назар—2030» дастури ва Саудия Арабистони қуролли кучларининг ютуқлари ҳақида мақтовли ахборот тарқатган.
Изоҳ (0)