Флоридалик Кристина Сеттанни Linkin Park гуруҳининг қўшиғи ёрдамида ўз жонига қасд қилмоқчи бўлган инсоннинг ҳаётини сақлаб қолди, деб хабар беради Meduza.
Мазкур ҳодиса 20 февралда содир бўлган, бироқ Оранж округи полицияси июль охиридагина бу ҳақда маълум қилган.
Ўша куни полицияга автотрасса кўприги четида ўтирган эркак ҳақида маълумот келиб тушган. «Бизга тез-тез бунақа қўнғироқлар бўлиб туради. 95 фоиз ҳолатларда одамлар шунчаки эвакуатор кутаётган бўлади», — дейди шериф ёрдамчиси Шон Каер.
https://www.facebook.com/OrangeCoSheriff/videos/2271063246542042/
Эркакни кўпчилик пайқаган бўлса-да, фақатгина Кристина Сеттанни тўхташга қарор қилган. «Ўзим ҳам шунақа вазиятга тушганим сабаб тўхтадим. Мазкур вазиятда бу сенинг энг сўнгги йўлинг эканлигини ўйлайсан. Кимдир унга нисбатан бефарқ эмаслигини кўрсатиши керак эди», — дейди Сеттанни.
Сеттанни эркакнинг ёнига ўтириб, уни тинчлантиришга уринган. «Қайсидир онда у олдинга ҳаракат қилди ва мен ҳам унга яқинлашдим: ‘Йўқ, сакрасанг мен ҳам сакрайман’, дедим». Унинг сўзларига кўра, аёл эркакка Linkin Park’нинг «Оне Море лигҳт» қўшиғини куйлай бошлаган. Қўшиқда шундай сўзлар бор: «Яна бир юлдузнинг сўниши кимни ташвишга солади? Мени».
Бу вақт ичида кўприк устига шериф ёрдамчиси етиб келиб, эркакни ўзига тортган. Эркак қилган ишидан пушаймонлигини билдирган.
Изоҳ (0)