Германиянинг энг йирик компанияларидан бири бўлган Siemens концерни президенти ва бош директори Жо Кезер АҚШ «ирқчилик юзи»га айланиб бораётганидан афсусда эканини маълум қилди, деб хабар беради Sputnik.
«Мени дунёдаги энг муҳим сиёсий муассаса – ‘ирқчилик ва айирмачилик юзига айланиб бораётгани афсуслантирмоқда», — деб ёзади Казер ўзининг Twitter’даги саҳифасига.
Ушбу изоҳни Siemens директори АҚШ президенти Дональд Трамп ва унинг тарафдорларининг келиб чиқиши Сомалидан бўлган аёл депутат Илҳан Омарга қарата айтган сўзларидан кейин қолдирган.
«Мен АҚШда кўп йилллар яшаганман ва олдин ҳеч қачон кўрмаган эркинлик, тоқатлилик ва очиқликнинг гувоҳи бўлганман», — деб қўшимча қилган у.
Эслатиб ўтамиз, АҚШ президентини тез-тез танқид қилувчи демократ-депутат Илҳан Омарга Дональд Трамп «Агар АҚШ ҳукумати унга ёқмаётган бўлса уйига жўнатиб юборинглар»,— деган эди.
Изоҳ (0)