Эрон ташқи ишлар вазири Жавод Зариф АҚШ томонидан Теҳронга қарши жорий этилган санкцияларни «иқтисодий терроризм» деб атади. Бу ҳақда «РИА Новости» хабар берди.
«Терроризм бу — сиёсий мақсадлар йўлида тинч аҳолига қарши зўравонлик ва қўрқувни ишлатиш. Шу орқали АҚШ иқтисодий терроризмга алоқадор. Буни санкция деб бўлмайди, чунки у қонуннинг ижросини назорат қилиш мақсадида жорий этилмади. Аслида улар қонунни бузмоқда», — деб ёзади Жавод Зариф ўзининг Twitter’даги саҳифасига.
2015 йил 14 июлда Буюк Британия, Германия, Хитой, Россия, АҚШ, Франция ва Эрон умумий келишувга эришган эди. Унга кўра, Эрон ўзининг ядровий дастурини чеклаши натижасида санкциялар ечиб ташланиши керак эди. Бироқ 2018 йилнинг майида АҚШ ушбу битимдан чиқишини ва Эронга нисбатан санкцияларни жорий этишини маълум қилган.
Изоҳ (0)