«Сент-Этьенн» ҳимоячиси Вильям Салиба «Арсенал»га ўтишга яқин турибди.
RMC Sport журналисти Муҳаммад Бухафсининг маълум қилишича, томонлар 18 ёшли футболчи трансфери борасида келишувга эришган. Ҳимоячининг трансфер нархи қўшимча бонуслар билан қўшиб ҳисоблаганда 29 миллион еврога баҳоланмоқда. Яқин кунларда француз «Арсенал» билан 5 йиллик шартнома имзолайди.
Салиба 2019/20 йилги мавсумни ўзининг жамоаси — «Сент-Этьенн» клубида ижара асосида ўтказади.
Аввалроқ Лондоннинг бошқа бир клуби «Тоттенҳэм» ҳам футболчига қизиқиш билдираётганди.
Маълумот учун, Салиба Франция чемпионатида 16 та учрашувда майдонга тушиб, битта сариқ карточка ишлаб олди. У мамлакатнинг 16 ёшдан 20 ёшгача бўлган жамоаларида ҳам ўйнашга улгирди .
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!