Андижонда ички ишлар органлари томонидан «Намунали ҳудуд» тажрибаси доирасида қатор ишлар амалга ошириб келинмоқда. Бу ҳақда «Дарё»га вилоят ИИБ матбуот хизмати маълум қилди.
Шу йил 15 июль куни тунги соат 23:00 атрофида Андижон шаҳрининг 3-кичик даҳасида жойлашган кафеларнинг бирида Андижон туманида яшовчи фуқаро Ж.Ж. кафе ишчиси С.Ў. билан ўзаро жанжаллашиб, ёнидаги пичоқ билан унга тан жароҳати етказмоқчи бўлган вақтда Андижон шаҳар ИИО ФМБ 1-сонли ИИБ профилактика инспектори Ў.Ҳакимов, унинг жамоат тартибини сақлаш бўйича ёрдамчиси Ш. Худойбердиев ҳамда фидокор ёшлар гуруҳи аъзоси томонидан пичоқ тортиб олиниб, содир этилиши мумкин бўлган оғир жиноятга чек қўйилди.
16 июль тунги соат 02:50 ларда Андижон шаҳридаги «Уйсозлар» кўчаси бўйлаб ҳаракатланиб, ўзини шубҳали тутган номаълум кишининг шахсига ойдинлик киритиш мақсадида шу худудда тунги хизматда бўлган профилактика инспектори Д. Абдураҳимов ва ёрдамчиси С.Шамшиддинов томонидан тўхтатилганда, у ИИБ ходимларининг қонуний талабларига бўйсунмай, бозор ичига қочиб беркинган.
У профилактика инспектори ва унинг жамоат тартибини сақлаш бўйича ёрдамчиси томонидан тезкорлик билан ушланиб, 2-сонли ИИБ фильтрация гуруҳига олиб келиб топширилган.
Олиб келинган фуқаронинг шахсига ойдинлик киритилганида, у Андижон тумани, Нўхатак маҳалласида яшовчи Ш.Т. эканлиги маълум бўлди. Унинг ёнида 1 дона ёғоч сопли теша, оқ резина қўлқоп, 2 дона қора рангли юз ниқоби борлиги аниқланган.
Тезкор суриштирув ишлари давомида Т.Ш. таниши Н.О. билан Андижон шаҳридаги «Жаҳон савдо комплекси» АЖ ҳудудида ўғирлик қилиш мақсадида келгани маълум бўлган. Ҳозирда уларнинг иккиси ҳам ушланиб, суриштирув ишлари давом эттирилмоқда.
Изоҳ (0)