Давлат меҳнат инспекцияси томонидан ўтказилган текширувда Наманган вилоятининг Косонсой туманида жойлашган 54 та мактаб ўқитувчилари Намуна қишлоғи яқинидаги анҳор бўйида олиб борилган қурилиш-ободонлаштириш ишларига жалб қилингани тасдиқланди.
Ушбу ҳудудда ҳар бир мактаб ўқитувчиларига 10 метрдан жой бўлиб берилган ҳамда улар мазкур ишларга мажбурий равишда жалб қилинган.
Шунга мувофиқ, туман ҳокимининг саноатни ривожлантириш, капитал қурилиш, коммуникациялар, коммунал хўжалик масалалари бўйича ўринбосари М.Исомиддиновга нисбатан ҳукуматнинг тегишли қарори талабларига зид равишда мактаб ходимларини қурилиш ишларига жалб қилганлиги юзасидан маъмурий баённома тузилди. У Маъмурий жавобгарлик тўғрисидаги Кодекснинг 51-моддасига асосан маъмурий жавобгарликка тортилди.
Изоҳ (0)