Қутб тулкиси икки ярим ой ичида 3500 километрдан ортиқ масофани босиб ўтиб, Норвегиянинг Шпицберген архипелаги шарқий қисмидан Канаданинг Элсмир шаҳрига етиб борди, деб хабар беради BBC.
Норвегия қутб институти тадқиқотчилари ёш урғочи тулкининг танасига GPS-кузатув мосламасини ўрнатиб, 2018 йилнинг март ойи охирларида озодликка қўйиб юборган эди.
Тулки овқат қидириб ғарб томон йўлга чиққанида бир ёшдан кичикроқ бўлган. 21 кун ичида 1512 километр юрган тулки Гренландияни забт этишга муваффақ бўлган.
Шундан сўнг тулки ўз саёҳатининг иккинчи босқичини бошлаган ва зоологлар уни Канаданинг Элсмир оролидага борганини пайқаб қолишган.
Олимларни тулкининг жуда тез вақт оралиғида бу қадар узоқ масофани босиб ўтгани ҳайратга солмоқда — тулки кунига ўртача 46 километр юрган.
Изоҳ (0)