Хитой ҳуқуқ-тартибот органлари январь ойидан май ойига қадар сохта озиқ-овқат маҳсулотлари ишлаб чиқариш ва бозорга етказишда гумон қилинган қарийб 8 500 нафар шахсни қўлга олди. Бу ҳақда «ТАСС» хабар берди.
Маълумотларга кўра, бу вақт давомида полиция мамлакатдаги қарийб 3 800 та яширин фабрикалар, обморхоналар ва давлат стандартларига жавоб бермайдиган товарларни тақсимлаш пунктларини йўқ қилган. Озиқ-овқат хавфсизлигини бузганлик юзасидан жами 4 500 та иш очилган.
Хитой қонунчилигига мувофиқ, хавфсиз бўлмаган озиқ-овқат маҳсулотларини ишлаб чиқарганлик учун уч йилгача озодликдан маҳрум этиш ва жарима жазоси белгиланган. Бироқ, ўта оғир жиноятлар содир этилган тақдирда, жавобгарлик мол-мулкни мусодара қилишдан тортиб ўлим жазосигача оғирлаштирилиши мумкин.
Изоҳ (0)