Уй-жой коммунал хизмат кўрсатиш вазирлиги мутасаддилари 58 фоиз абонентларда сув ҳисоблагичлар ўрнатилмаганлигига уларда ҳисоблагич ўрнатишдан рағбатлантирувчи механизмларнинг жорий этилмаганлиги билан боғламоқда. Бу ҳақда 1 июль куни Уй-жой коммунал хизмат кўрсатиш вазирлиги томонидан журналистлар билан ўтказилган анжуманда маълум қилинди, дея хабар бермоқда «Дарё» мухбири Мусулмонбек Иброҳимов.
Маълум қилинишича, ичимлик суви истеъмолчилари, хусусан аҳоли ичимлик сувини ҳисобга олиш асбоблари билан етарли даражада таъминланмаган. Шунингдек, сув ҳисоблагич ўрнатилган ҳамда ўрнатилмаган абонентлар ўртасида тўловларнинг кескин фарқ қилмаслиги, уларда ҳисоблагич ўрнатишдан рағбатлантирувчи механизмларнинг жорий этилмаганлиги туфайли 58 фоиз абонентларда ҳамда 85 фоиз иншоотларда сув ҳисоблагичлар ўрнатилмаган.
Қайд этилишича, ичимлик сув таъминотининг 26,9 минг километр қисми (38 фоиз), ҳамда оқова чиқариш хизматларини кўрсатиш тармоқларининг 1719,4 километри (22,4 фоиз) ва иншоотларининг 3516 донаси эскирган.
Қўшимча қилинишича, Мажбурий ижро бюроси билан биргаликда қарздорлиги мавжуд абонентлардан ундирувни йўлга қўйиш орқали мавжуд бўлган 307,9 миллард сўмдан 10 миллард сўмга камайтириш режалаштирилган.
Изоҳ (0)